හෝමාගම ශාසනාරක්ෂක බල මණ්ඩලයේ සභාපති මාදෝවිට වජිර බුද්ධි හිමි පෙන්වා දෙන්නේ හෝමාගම නගරය ආසන්නයේ සුරාසැල් විවෘත කිරීමෙන් ප්‍රදේශයේ අපරාධ වැඩිවිය හැකි බවයි.
හෝමාගම නගරයේ මත්පැන් හෝ මස් කඩ නොමැතිවීම ගැන ජනතාව ආඩම්බර වන බවත්, නමුත් සුරාසැල් ආරම්භ කිරීමත් සමඟ එම අභිමානය නැති වී ගොස් ඇති බවත්, ඊට ප්‍රදේශයේ මහා සංඝරත්නය දැඩි විරෝධය පළ කරන බවත් ඔහු පැවසීය.
තීරණ ගැනීමේදී බලධාරීන් අනාගත පරපුර ගැන මීට වඩා සිතිය යුතු බව වජිර බුද්ධි හිමියෝ පැවසූහ. හෝමාගම නගරයට දෛනිකව විශාල පිරිසක් තම අවශ්‍යතා ඉටුකර ගැනීමට පැමිණෙන බවත් ඇතැමුන් ලාභ අපේක්ෂාවෙන් අත්තනෝමතික ලෙස මත්පැන් අලෙවිසැල් සඳහා බලපත්‍ර නිකුත් කර ඇති බවත් ඔහු පෙන්වා දෙයි. මෙවැනි සුරාසැල් ආරම්භ කිරීමට එරෙහිව ප්‍රදේශයේ ජනතාව විරෝධය පළ කළ බවත් වගකිවයුතු නිලධාරීන් මේ පිළිබඳව අවධානය යොමු කළ යුතු බවත් උන්වහන්සේ වැඩිදුරටත් ප්රකාශ කළහ.
හෝමාගම ගෞරවය කෙලෙසන සුරාසැල් විවෘත කිරීමට මහා සංඝරත්නය විරුද්ධයි – නාහිමි
131
