ඩයලොග් ‘ඒ’ කොටසේ පාසල් ලීග් රග්බි තරගාවලියේ බම්බලපිටියේදී පැවැති තරගයකදී සහිරා විදුහල ලකුණු 62-8 කින් පරාජයට පත්කළේ වත්මන් ශූර ශාන්ත පීතර විදුහලයි. තරගයේ පළමු අර්ධය වන විට ලකුණු 19-8ක් ලෙස ඉදිරියෙන් සිටි පීතර කණ්ඩායම තරගයේ ආරම්භයේ සිට අවසානය දක්වාම සිය ආධිපත්‍යය දැරීය.
සහිරා පිල 23 වැනි මිනිත්තුවේදී දසුන් නිමසර තැබූ උත්සාහක දිනුමක් ප්‍රවර්තනය නොකළ අතර ලකුණු පුවරුව 5-5ක් ලෙස සම කළේය. 28 වැනි මිනිත්තුවේදී අමීන් රාජපක්ෂ ගෝලයක් වාර්තා කිරීමත් සමඟ පීතර පිල ඉක්මනින්ම පාලනය සියතට ගත් අතර රාහුල් පීටර්ගේ සාර්ථක ප්‍රවර්තනයත් සමඟ ලකුණු තත්ත්වය 12-5ක් විය. 31 වැනි මිනිත්තුවේදී ස්ක්‍රම් හාෆ් සාලිත් ගාල්ලගේ තවත් උත්සාහක දිනුමක් එක් කළ අතර ෆුල්බැක් රාහුල් පීටර්ගේ විශිෂ්ට ප්‍රවර්තනයත් සමඟින් ඔවුන්ගේ ලකුණු සංඛ්‍යාව 19-5 දක්වා ඉහළ ගියේය. සහිරා ක්‍රීඩකයෝ තරගයේ අර්ධ කාලයට පෙර මීටර් 22ක දඬුවම් පහරක් සාර්ථක කර ගැනීමට සමත් වූයේ ලකුණු පරතරය 19-8ක් ලෙසින් අවසන් කරමිනි.
දෙවැනි අර්ධයේදී සාන්ත පීතර විදුහලට ආධිපත්‍යය හිමි විය. 40 වැනි මිනිත්තුවේදී ෆ්ලැන්කර් ඒඩන් ප්‍රනාන්දු ප්‍රසාද ලකුණු උත්සාහක දිනුමක් වාර්තා කළ අතර එමඟින් ලකුණු සංඛ්‍යාව 24-8 දක්වා ඉහළ ගියේය. 45 වැනි මිනිත්තුවේදී නායක දුලාජ් නවෝද්‍යා තවත් උත්සාහක දිනුමක් එක් කළ අතර, රාහුල් පීටර් එහි ප්‍රවර්තනය 31-8ක් බවට පත් කළේය. 47 වැනි මිනිත්තුවේදී රෙවෝන් පෙරේරා තැබූ උත්සාහක දිනුමත්, තවත් සාර්ථක ප්‍රවර්තනයක් සමඟින් ලකුණු සංඛ්‍යාව 38-8 දක්වා ඉහළ ගියේය.
ප්‍රනීත් සිල්වා 52 වැනි මිනිත්තුවේදී ගෝලයක් වාර්තා කරමින් ලකුණු සංඛ්‍යාව 43-8 දක්වා ගෙන ආවේය. 62 වැනි මිනිත්තුවේදී යුනෙත් ශිහර තවත් උත්සාහක දිනුමක් එක් කළ අතර රාහුල් පීටර් එහි ප්‍රවර්තනය සාර්ථක කර ගනිමින් ලකුණු 50 සීමාවට ළඟා විය. 63 වැනි මිනිත්තුවේදී වින්ගර් විශෙන්ක සිල්වා පිට පිට උත්සාහක දිනුම් වාර්තා කළ අතර අශෝක් ක්‍රිෂාන් එක් උත්සාහක දිනුමක් ප්‍රවර්තනය කළ අතර එය ලකුණු 57-8ක් විය. සිල්වා නැවතත් ගෝලයක් වාර්තා කරමින් අවසන් ලකුණු සංඛ්‍යාව 62-8ක් ලෙස සටහන් වුඅතර අරුණ ශාන්ත මහතා තරගය විනිශ්චය කළේය.