කටුනායක ගුවන් තොටුපළ පොලිසියේ මත්ද්‍රව්‍ය නාශක අංශයේ නිලධාරීන් කණ්ඩායමක් විසින් රුපියල් කෝටි 100 ක් පමණ වටිනා විදේශීය දුම්වැටි තොගයක් රැගෙන ආ මගීන් දෙදෙනෙකු අත්අඩංගුවට ගෙන ඇත. මිලියන 4.2 ක් නීතිවිරෝධී ලෙස ජූලි 18 වෙනිදා ශ්‍රී ලංකාවට ගෙන එන ලදී.
අත්අඩංගුවට ගත් පළමු මගියා කොට්ටාව පන්නිපිටිය ප්‍රදේශයේ පදිංචි 28 හැවිරිදි තරුණයෙකි. ඔහු ඩුබායි සිට රැගෙන ආ රෙදිපිළි තොගයක් අතර සඟවා තිබූ විදේශීය නිෂ්පාදිත දුම්වැටි 22,000ක් අඩංගු දුම්වැටි කාටූන් 110ක් පොලිස් මත්ද්‍රව්‍ය නාශක අංශයේ නිලධාරීන් විසින් සොයා ගෙන ඇත.
ඔහු පෙරේදා (18) පස්වරු 06.35 ට ඩුබායි සිට කටුනායක ගුවන් තොටුපළ වෙත පැමිණ ඇත.
අනෙක් මගියා මීගමුව කොච්චිකඩේ ප්‍රදේශයේ පදිංචි 41 හැවිරිදි ගෘහ සේවිකාවකි. ඇය සිය සේවය නිමවා ශ්‍රී ලංකාවට පැමිණෙමින් සිටියදී විදේශ රටක නිෂ්පාදිත දුම්වැටි 20,000ක් අඩංගු දුම්වැටි කාටූන් 100ක් තම ගමන් මල්ලේ සඟවා පැමිණ ඇත.
ඇය කටුනායක ගුවන් තොටුපළට පැමිණ ඇත්තේ ජූලි 18 වැනිදා රාත්‍රී 10.30ටය.
එම පුද්ගලයන් දෙදෙනා ජුලි 18 පොලිස් ඇප මත මුදා හැරිය ද දෙදෙනා විසින් රැගෙන ආ දුම්වැටි සමඟ ජූලි 24 සහ ජූලි 31 යන දිනවල මීගමුව මහේස්ත්‍රාත් අධිකරණයට ඉදිරිපත් කිරීමට නියමිතය.