ශ්‍රී ලංකා ඉන්ෂුවරන්ස් ලයිෆ් සහ ශ්‍රී ලංකා ඉන්ෂුවරන්ස් ජෙනරල්, ආපදා කළමනාකරණ මධ්‍යස්ථානය සමඟ එක්ව ගම්පහ, රත්නපුර සහ මාතර දිස්ත්‍රික්කවල පසුගියදා ඇති වූ ගංවතුරෙන් විපතට පත් පවුල් 1100කට වියළි සලාක මල්ලක් බෙදා දෙන ලදී. 2024 ජූලි 9 සහ 10 යන දිනවල පවත්වන ලද මෙම මුලපිරීම, අවශ්‍ය අවස්ථාවලදී ප්‍රජාවන්ට සහාය වීමට සමාගමේ කැපවීම අවධාරනය කරයි.
දිස්ත්‍රික් ලේකම් කාර්යාල, ප්‍රාදේශීය ලේකම් කාර්යාල සහ ආගමික ආයතන හරහා මෙම වියළි සලාක ඇසුරුම් බෙදා හරින ලද අතර එමඟින් වඩාත් පීඩාවට පත් ප්‍රදේශවලට ආධාර කාර්යක්ෂමව ළඟා වන බව සහතික විය. ප්‍රජාවගේ අභිවෘද්ධිය ඉලක්ක කරගත් මුල පිරීම්වල සමාගම නිරතුරුව නිරත වන බැවින්, මෙම සේවා ක්‍රියාව සමාජ වගකීම සඳහා SLIC හි කැපවීම විදහා දක්වයි.
සමූහ ප්‍රධාන විධායක නිලධාරී චන්දන එල් අලුත්ගම මහතා මෙසේ ප්‍රකාශ කරයි: “අපගේ ආයතනික සමාජ වගකීම් (CSR) මුල පිරීම් ප්‍රධාන කුළුණු තුනක් මත නැංගුරම් ලා ඇත: දරුවන්, සංස්කෘතිය සහ ප්‍රජාව. අපගේ ප්‍රජා ස්ථම්භය හරහා මෙහෙයවන ලද මෙම ව්‍යාපෘතිය, සමාජයේ වඩාත්ම අවදානමට ලක්විය හැකි කොටස් නඟා සිටුවීමට සහ සහාය දැක්වීමට අපගේ කැපවීම ඉස්මතු කරයි. ජාතියේ ජීවිත රක්‍ෂකයා ලෙස, අපි අපගේ ප්‍රජාවන්ගේ අවශ්‍යතා ඇති වේලාවේදී ඔවුන් වෙනුවෙන් පෙනී සිටිමු, විශ්වාස කළ හැකි සහ විශ්වාසදායක සහකරුවෙකු ලෙස අපගේ කාර්යභාරය යළිත් තහවුරු කරමු.
ශ්‍රී ලංකා ඉන්ෂුවරන්ස් අපගේ ප්‍රජාවන් ආරක්ෂා කිරීමට සහ සවිබල ගැන්වීමට අපගේ පොරොන්දුව ශක්තිමත් කරමින් කාලෝචිත සහ ඵලදායී සහය සැපයීමේ මෙහෙවරෙහි නොසැලී සිටියි.