පැරීසියේ පැවැත්වෙන ඔලිම්පික් ක්‍රීඩා උළෙලට සුදුසුකම් ලැබූ ශ්‍රී ලංකා මලල ක්‍රීඩිකාවන් වන නදීෂා දිල්හානි ලේකම්ගේ සහ අරුණ දර්ශන ශ්‍රී ලංකා යුද හමුදාවෙන් මූල්‍ය ආධාර ලබාගෙන ඇත.
ශ්‍රී ලංකා කාලතුවක්කු හමුදාවේ මාණ්ඩලික සැරයන් අරුණ දර්ශන සහ ශ්‍රී ලංකා යුද හමුදා කාන්තා බළකායේ මාණ්ඩලික සැරයන් දිල්හානි ලේකම්ගේ මහත්මිය යුද හමුදා මූලස්ථානයේදී යුද හමුදාපති ලුතිනන් ජෙනරාල් විකුම් ලියනගේ අතින් මූල්‍ය ත්‍යාග ලබා ගත්හ.
ශ්‍රී ලංකා යුද හමුදාවට අනුව යුද හමුදාපතිවරයා විසින් එක් ක්‍රීඩක ක්‍රීඩිකාවක් සඳහා රු. මිලියනයක ආධාර ඔවුන්ට ලබාදී සුබ පතමින්, ඔවුන් පදක්කමක් දිනාගෙන ශ්‍රී ලංකාවේ සහ යුද හමුදාවේ ගෞරවය ඉහළ නංවනු ඇතැයි තම බලාපොරොත්තුව බව ප්‍රකාශ කළේය. මලල ක්‍රීඩක අරුණ දර්ශන මීටර් 400 පිරිමි ඉසව්වේ පළමු වටයේ තරගයට අගෝස්තු 04 වැනිදා මෙරට වේලාවෙන් රාත්‍රී 11.15ට තරග කිරීමට නියමිතය.
මේ අතර දිල්හානි ලේකම්ගේ අගෝස්තු 07 වැනිදා පස්වරු 1.55ට හෙල්ල විසිකිරීමේ කාන්තා සුදුසුකම් ජීපී ඒ තරගයට සහභාගි වීමට නියමිතය.
2024 පැරිස් ඔලිම්පික් ක්‍රීඩා උළෙලට සුදුසුකම් ලැබූ ශ්‍රී ලංකා ක්‍රීඩිකාවන් පස් දෙනා අතරට දිල්හානි ලේකම්ගේ ඇතුළත් වේ. පැරීසියේ 2024 ගිම්හාන ඔලිම්පික් උළෙල 2024 ජූලි 26 සිට අගෝස්තු 11 දක්වා පැවැත්වීමට නියමිතය (D.R)
ඔලිම්පික් ක්‍රීඩක අරුණ සහ දිල්හානි වෙනුවෙන් යුද හමුදාවෙන් මූල්‍ය ආධාර
FILE PHOTO: Olympic rings to celebrate the IOC official announcement that Paris won the 2024 Olympic bid are seen in front of the Eiffel Tower at the Trocadero square in Paris, France, September 14, 2017. REUTERS/Christian Hartmann/File Photo