ප්‍රතිජීවක ඖෂධ භාවිතය සම්බන්ධයෙන් වන නවතම මාර්ගෝපදේශ මාලාව අද නිකුත් කරන බව සෞඛ්‍ය අමාත්‍යාංශයේ ජ්‍යෙෂ්ඨ කථිකාචාර්ය
සහ රසායනාගාර සේවා හිටපු නියෝජ්‍ය අධ්‍යක්ෂ ජනරාල් වෛද්‍ය සුදත් ධර්මරත්න මහතා ඊයේ (29) පැවසීය.
සෞඛ්‍ය අමාත්‍යාංශය සහ ශ්‍රී ලංකා ක්‍ෂුද්‍රජීව විද්‍යාව විශේෂඥ ආයතනය එක්ව සෞඛ්‍ය ලේකම් වෛද්‍ය පාලිත මහීපාල මහතාගේ ප්‍රධානත්වයෙන්
පැවැත්වෙන උත්සවයකදී මෙම මාර්ගෝපදේශ නිකුත් කරන බවද ඔහු පැවසීය ප්‍රතිජීවක භාවිතය සඳහා මාර්ගෝපදේශ මාලාවක් 2016 දී නිකුත් කරන ලද අතර, මෙම නවතම නිකුතුව දැනට භාවිතා කරන ප්‍රතිජීවක පිළිබඳ මාර්ගෝපදේශ සපයයි.
නිසි උපදෙස් නොමැතිව ප්‍රතිජීවක ඖෂධ භාවිත කිරීමෙන් එම ඖෂධවලට ප්‍රතිරෝධය ඇති වන බවත් එය භයානක තත්ත්වයක් බවත් ඔහු පැවසීය.
ප්‍රතිජීවක ඖෂධ ලබා ගැනීමේදී රෝගීන් සුදුසුකම් ලත් වෛද්‍යවරුන්ගෙන් උපදෙස් ලබාගත යුතු බව ඔහු ප්රකාශ කළා.
