දේශපාලනයට වඩා රටට මුල්තැන දෙන පිරිස් මෙවර ජනාධිපතිවරණයේදී ජනාධිපති රනිල් වික්‍රමසිංහ මහතාට සහය දක්වන බව ක්‍රීඩා හා යෞවන කටයුතු රාජ්ය අමාත්‍ය රෝහණ දිසානායක මහතා ප්රකාශ කළේය.
අභියෝගාත්මක කාලපරිච්ඡේදවලදී බලවත් නායකයින් නිතර බිහිවන බව සඳහන් කළ රාජ්ය අමාත්‍යවරයා, පසුගිය කාලයේ රට මුහුණ දුන් දරුණු ආර්ථික අර්බුදය හමුවේ රට මෙහෙයවීමේදී ජනාධිපති රනිල් වික්‍රමසිංහ මහතා ශක්තිමත් නායකත්ව ගුණාංග පෙන්නුම් කර ඇති බව අවධාරණය කළේය.
රාජ්ය අමාත්‍ය රෝහණ දිසානායක මහතා මේ බව ප්රකාශ කළේ අද (30) ජනාධිපති මාධ්‍ය මධ්‍යස්ථානයේ (PMC) පැවති “ස්ථාවර දේශයකට සාමූහික මාවත” යන තේමාව යටතේ පැවති මාධ්‍ය හමුවකදීය.
එහිදී වැඩිදුරටත් අදහස් දැක්වූ ක්‍රීඩා හා යෞවන කටයුතු රාජ්ය අමාත්‍ය රෝහණ දිසානායක මහතා,
“2022 ආර්ථික අර්බුදය සෑම කෙනෙකුටම බලපෑ අතර දුක් වේදනා සමනය කිරීමට කිසිදු නායකයෙකු ඉදිරිපත් වූයේ නැත. නමුත් වත්මන් ජනාධිපතිතුමා එක මන්ත්‍රී ධුරයක් දැරුවත් ජනතාවට උදව් කරන්න කටයුතු කළා. ඔහුගේ ක්‍රියාමාර්ගවලට පින්සිදුවන්නට දැන් රටේ ආර්ථිකය යථා තත්ත්වයට පත්වෙමින් තිබේ. මහින්ද රාජපක්ෂ මහතා ත්‍රස්තවාදයෙන් රට බේරා ගත්තා සේම රනිල් වික්‍රමසිංහ ජනාධිපතිතුමා ආර්ථික අවුලෙන් රට මුදාගෙන තිබෙනවා.
ඒ නිසා දේශපාලනයට වඩා රටේ යහපතට මුල්තැන දෙන ඕනෑම කෙනෙක් රනිල් වික්‍රමසිංහ ජනාධිපතිතුමාට සහාය දෙනවා. මාතලේ ජනතාවගේ සහයෝගය ඇතිව මම මේ මැතිවරණයේදී රනිල් වික්‍රමසිංහ ජනාධිපතිතුමාට සහාය දෙමින් මගේ යුතුකම ඉටුකරන්න තීරණය කළා.
ශ්‍රී ලංකා පොදුජන පෙරමුණ (SLPP) ගම් මට්ටමින් මුල් බැසගත් පක්ෂයක් බව සඳහන් කළ යුතුය. මම මාතලේ දිස්ත්‍රික්කයේ ශ්‍රී ලංකා පොදුජන පෙරමුණ ක්‍රියාකාරීව නියෝජනය කරනවා. මට ජනතාවගේ සහයෝගය ලැබෙන තාක් කල් මම ජනාධිපතිතුමාට සහාය දෙනවා. ඒ සහයෝගය අඩු වුණොත් මම ඉවත් වෙනවා.
අභියෝගාත්මක කාලවලදී විශිෂ්ට නායකයින් බිහි වේ. පසුගිය කාලයේ ඇති වූ ආර්ථික අර්බුදයෙන් රට යහමඟට ගෙන යමින් රනිල් වික්‍රමසිංහ ජනාධිපතිතුමා ශක්තිමත් නායකත්වයක් පෙන්නුම් කළා. රටේ වත්මන් ප්‍රගතිය ඔහුගේ ඵලදායී ආර්ථික කළමනාකරණ ප්‍රතිපත්තිවල ප්‍රතිඵලයකි.
1945 දී දෙවන ලෝක යුද්ධයෙන් බ්‍රිතාන්‍යය ජයග්‍රහණය කරා ගෙන ගිය අගමැති වින්ස්ටන් චර්චිල් පසුව පැවති බ්‍රිතාන්‍ය මහ මැතිවරණයෙන් පරාජයට පත් විය. යුද්ධය පැවැති කාලයේ රට ආර්ථික වශයෙන් ශක්තිමත් කළ ක්ලෙමන්ට් ඇට්ලි මහතා එදා අගමැති වුණා. ඉතිහාසය පුනරුච්චාරණය වන්නාක් මෙන් ශ්‍රී ලංකාව තුළ ද එවැනිම තත්වයක් දිග හැරෙමින් පවතින බව පෙනේ.
ක්‍රීඩා ක්ෂේත්‍රය තුළ, ශ්‍රී ලංකාවේ ක්‍රීඩා ක්ෂේත්‍රය දියුණු කිරීම සඳහා වත්මන් රජය පසුගිය වසර දෙක තුළ කැපී පෙනෙන ප්‍රගතියක් ලබා ඇත. ක්‍රීඩා සඳහා ඔම්බුඩ්ස්මන්වරයෙකු පත් කර ඇති අතර, මෙවර ඔලිම්පික් ක්‍රීඩා උළෙලට යන ක්‍රීඩක ක්‍රීඩිකාවන්ට අවශ්ය සියලු පහසුකම් ලබාදීමට කටයුතු යොදා ඇත. මීට අමතරව, ශ්‍රී ලංකාවේ හොකී ක්‍රීඩාංගන දෙකම ප්‍රතිසංස්කරණය කර ඇති අතර ඒවා ලබන මස 15 වන දින නැවත විවෘත කිරීමට නියමිතය. ආර්ථික දුෂ්කරතා මධ්‍යයේ වුවද ක්‍රීඩා සංවර්ධනය සඳහා මුල්‍ය ප්‍රතිපාදන වෙන් කිරීමට ජනාධිපතිතුමාගේ කැපවීම බෙහෙවින් අගය කළ යුතු කරුණකි.
රට ගැන කැක්කුමක් තියෙන ඕනම කෙනෙක් මේ ජනාධිපතිවරණයේදී රනිල් ජනාධිපතිතුමාට සහයෝගය දෙනවා
87
previous post