ජාතික දූෂණ විරෝධී පනත් කෙටුම්පත කැබිනට් මණ්ඩලයට ඉදිරිපත් නොකරන ලෙස තරුණ පාර්ලිමේන්තු මන්ත්‍රීවරයෙකු ජනාධිපති රනිල් වික්‍රමසිංහ මහතාගෙන් ඉල්ලීමක් කර තිබෙනවා.
පසුගිය දිනවල දැඩි අවධානයට ලක්වූ තරුණ මන්ත්‍රීවරයා මෙම ඉල්ලීම කළේ දූෂණ මර්දන ජාතික පනත් කෙටුම්පත ඉදිරි දෙසතිය තුළ කැබිනට් මණ්ඩලයට ඉදිරිපත් කිරීමට සූදානම් වෙමින් පවතින පසුබිමකයි.
දූෂණ මර්දන ජාතික පනත් කෙටුම්පත ජනාධිපතිවරණය අවසන් වනතුරු කැබිනට් මණ්ඩලයට ඉදිරිපත් කිරීම ප්‍රමාද කරන ලෙස බලකරමින් මන්ත්‍රීවරයා පසුගියදා දුරකථන ඇමතුමක් දෙමින් ජනාධිපති වික්‍රමසිංහ වෙත මෙම ආයාචනය කළේය.
මන්ත්‍රීවරයාගේ ඉල්ලීම සම්බන්ධයෙන් ඉදිරි දින දෙක තුළදී රජයේ ජ්‍යෙෂ්ඨ අමාත්‍යවරුන් සමඟ සාකච්ඡා කර තීරණයක් ගැනීමට ජනාධිපති වික්‍රමසිංහ මහතා බලාපොරොත්තු වන බව ජනාධිපති ලේකම් කාර්යාල ආරංචි මාර්ග සඳහන් කරයි.
මීට පෙර කැබිනට් තීරණ දැනුම් දීමේ මාධ්‍ය හමුවේදී ප්‍රකාශ කළේ ජනාධිපති වික්‍රමසිංහ මහතාගේ පාලනය යටතේ දූෂණ විරෝධී ජාතික පනත් කෙටුම්පත කැබිනට් මණ්ඩලයට ඉදිරිපත් කර පසුව පාර්ලිමේන්තුවේ අනුමැතිය ලබා ගන්නා බවයි.