ගාසා තීරයේ හමුදාමය තත්ත්වය හේතුවෙන් අවතැන් වූ ළමුන් සඳහා පහසුකම් සැලසීම සඳහා ජනාධිපති රනිල් වික්‍රමසිංහ විසින් පිහිටුවන ලද “ගාසා හි ළමා අරමුදලට” දායක වීමේ අවස්ථාව 2024 ජූලි 31 දිනෙන් අවසන් විය.
රාමසාන් සමයේ දායක මුදල් ලබා දෙන ලෙස ජනාධිපති වික්‍රමසිංහ මහතා කළ ඉල්ලීමට අනුව, කුල හෝ ආගම් භේදයකින් තොරව දිවයින පුරා විශාල පිරිසක් මෙම අරමුදලට නොමසුරුව සහය දුන්හ. ජනප්‍රිය ඉල්ලුම හේතුවෙන්, දායක කාලය 2024 මැයි 31 දක්වා දීර්ඝ කරන ලදී.
නිල අවසන් දිනය තිබියදීත්, පරිත්‍යාග දිගටම ලැබී ඇත. මෙම අරමුදලට තවත් මුදල් බැර නොකරන ලෙස ජනාධිපති ලේකම් කාර්යාලය ඉල්ලා සිටියි. 2024 ජුලි 31 න් පසු ජනාධිපති කාර්යාලයේ නිල බැංකු ගිණුමට කෙළින්ම කරන ලද ඕනෑම තැන්පතුවක් සමාජ සත්කාර වැඩසටහන් සඳහා ජනාධිපති අරමුදල වෙත හරවා යවනු ලැබේ.
පළමු අදියරේදී ඉෆ්තාර් සැමරුම සඳහා මුලින් අදහස් කළ අමාත්‍යාංශ සහ රාජ්‍ය ආයතන ප්‍රතිපාදනවලින් ඇමෙරිකානු ඩොලර් මිලියනයක් එක්සත් ජාතීන්ගේ සංවිධානය හරහා ජනාධිපති වික්‍රමසිංහ මහතා විසින් පලස්තීන රජය වෙත ලබා දෙන ලදී. 2024 ජූලි 31 වන විට ලැබෙන සියලුම පරිත්‍යාග ද ඒ අනුව බෙදා හරිනු ලැබේ.
මෙම අරමුදලට දායක වූ සැමට ජනාධිපති රනිල් වික්‍රමසිංහ මහතා සහ ජනාධිපති කාර්යාලය සිය හෘදයාංගම ස්තුතිය ප්‍රකාශ කරයි.