ශ්‍රී ලංකාව සමග පැවැත්වෙන තරග තුනකින් සමන්විත ටෙස්ට් තරගාවලිය සඳහා ක්‍රීඩකයින් 14 දෙනෙකුගෙන් යුත් එංගලන්ත සංචිතය නම් කර තිබෙනවා.
සත්කාරක කණ්ඩායම 3-0ක් ලෙස ජයගත් බටහිර ඉන්දීය කොදෙව් කණ්ඩායමට එරෙහිව පසුගියදා අවසන් වූ ටෙස්ට් තරගාවලියේ තෙවැනි ටෙස්ට් තරගයේදී දකුණු අතේ කුඩා ඇඟිල්ලේ අස්ථි බිඳීමක් හේතුවෙන් නිත්‍ය ආරම්භක පිතිකරු Zak Crawley හට තරගාවලිය අහිමි වනු ඇත.
බටහිර ඉන්දීය කොදෙව් තරගාවලිය සඳහා වන ටෙස්ට් සංචිතයේ කොටසක් වූ සීමර් ඩිලියන් පෙනින්ටන් ද ඉවත් කර ඇත. ද හන්ඩ්‍රඩ් තරගයට ක්‍රීඩා කරමින් සිටියදී මස්පිඬු ආබාධයකට ලක්වීමෙන් ඔහුට තරගාවලිය අහිමි වනු ඇත.
දෙපිල අතර පළමු ටෙස්ට් තරගය අගෝස්තු 21 වැනිදා මැන්චෙස්ටර්හිදී ආරම්භ වේ. මෙම තරඟාවලිය 2023-25 ICC ලෝක ටෙස්ට් ශූරතාවලියේ කොටසක් වනු ඇත. ශ්‍රී ලංකාව ලකුණු 50ක ප්‍රතිශතයක් ලබා සිවුවැනි ස්ථානයේ පසුවන අතර එංගලන්තය බටහිර ඉන්දීය කොදෙව් පිලට එරෙහිව පැවැති තරගමාලාව වයිට් වොෂ් කිරීමෙන් පසු හයවැනි ස්ථානයේ පසුවේ. (අයිසීසී)
එංගලන්ත සංචිතය:
බෙන් ස්ටෝක්ස් (ඇ), ගස් ඇට්කින්සන්, ෂොයිබ් බෂීර්, හැරී බෘක්, ජෝර්ඩන් කොක්ස්, බෙන් ඩකට්, ඩෑන් ලෝරන්ස්, ඔලී පෝප්, මැතිව් පොට්ස්, ජෝ රූට්, ජේමි ස්මිත්, ඔලි ස්ටෝන්, ක්‍රිස් වෝක්ස්, මාර්ක් වුඩ්