25
අතුරුදන් වූ සේවකයෙකු සම්බන්ධයෙන් බලධාරීන්ගේ අකාර්යක්ෂමතාව හේතුවෙන් දෙමටගොඩ අංගනයේ සේවකයින් රාජකාරීවලින් ඉවත්වීම හේතුවෙන් අද දිනයේ දුම්රිය ධාවනයට බාධා එල්ල වුණා. දෙමටගොඩ අංගනයේ සේවකයන් අතුරුදන්වූ පුද්ගලයා සම්බන්ධයෙන් සිදුකෙරෙන විමර්ශන පිළිබඳව සෑහීමකට පත් නොවීම හේතුවෙන් ඔවුන් රාජකාරීවලින් ඉවත්ව ඇතැයි වාර්තා වේ.
මේ හේතුවෙන් කොළඹ – කොටුවේ සිට ධාවනය වන දුම්රිය සේවා කිහිපයක් ප්‍රමාද වී හෝ අවලංගු කර ඇති බව දුම්රිය දෙපාර්තමේන්තුව පවසයි.
අද පෙරවරුවේ ගමන් ආරම්භ කිරීමට නියමිතව තිබූ පොඩි මැණිකේ සහ බදුල්ල ඔඩිසි යාත්‍රා ක්‍රියාත්මක කිරීමට නොහැකි වූ බවයි එම දෙපාර්තමේන්තුව වැඩිදුරටත් සඳහන් කළේ.
පවතින තත්ත්වය හේතුවෙන් තවත් දුම්රිය ගමන්වාර කිහිපයක් ප්‍රමාද වීමට හෝ අවලංගු කිරීමට ඉඩ ඇති බවට දුම්රිය දෙපාර්තමේන්තුව අනතුරු අඟවා තිබේ.
