35
සමගි ජන බලවේගයේ සභාපති ධූරයෙන් ඉල්ලා අස්වූ ෆීල්ඩ් මාෂල් සරත් ෆොන්සේකා මහතා 2024 ජනාධිපතිවරණයට ඉදිරිපත් වන බව අද (14) දිනයේදී තහවුරු කළේය.
මාධ්‍ය අමතමින් ෆොන්සේකා කියා සිටියේ දූෂණයෙන් තොර රටක් මෙහෙයවීම තම අපේක්ෂාව බවයි. දූෂිත දේශපාලකයින්ගෙන් පිරුණු අපේ පාර්ලිමේන්තුවට කවදාවත් මේ රට දියුණු කරන්න බැරි වෙනවා යැයි ෆොන්සේකා කීවේය.
පක්ෂය දියුණු කිරීමට වෙහෙස මහන්සි වී වැඩ කළත් SJB සහ එහි නායකයා කෙරෙහි තමාට ඇති ගෞරවය නැති වූ බව ෆොන්සේකා මහතා පැවසීය.
ශ්‍රී ලංකාවෙන් ත්‍රස්තවාදය තුරන් කළ ආකාරයටම රටත් දූෂණයෙන් මිදිය යුතු බව ෆොන්සේකා අවධාරණය කළේය.
“එල්ටීටීඊය විනාශ කරනවා කිව්වම කවුරුත් මාව විශ්වාස කළේ නැහැ. හමුදා ජෙනරාල්වරු පවා නොවේ. නමුත් මම මේ පොරොන්දුව ඉටු කළා,” යැයි පැවසූ ෆොන්සේකා, තම නායකත්වය යටතේ දූෂණයෙන් තොර රටක් අපේක්ෂා කරන බව ද පැවසීය. (පුවත්පත්)
