2024 ජනාධිපතිවරණයට තරග කරන අපේක්ෂකයන් කිහිප දෙනෙකු මේ සතියේ නාමයෝජනා පත්‍ර අත්සන් කර ඇත.
ශ්‍රී ලංකා නිදහස් පක්ෂ අපේක්ෂක හිටපු අධිකරණ අමාත්‍ය විජයදාස රාජපක්ෂ මහතා අද පෙරවරුවේ නාමයෝජනා පත්‍රයට අත්සන් තැබීය.
ආගමික වතාවත් මධ්‍යයේ නාවල පිහිටි ඔහුගේ නිවසේදී මෙම අත්සන් කිරීම සිදු විය.
මව්බිම ජනතා පක්‍ෂයේ නායක ව්‍යවසායක දිලිත් ජයවීර මහතා ද ඉදිරි ජනාධිපතිවරණයට තරග කිරීම සඳහා සිය නාමයෝජනා පත්‍රයට අත්සන් තැබීය.
අද බොරැල්ලේ පිහිටි මව්බිම ජනතා පක්ෂ කාර්යාලයේදී මෙම අත්සන් කිරීම සිදුකෙරුණා.
සඳුදා, ජාතික ජන බලවේගයේ (NPP) නායක අනුර කුමාර දිසානායක ඉදිරි ජනාධිපතිවරණයට තරඟ කිරීම සඳහා සිය නාමයෝජනා පත්‍රයට අත්සන් තැබීය.
පැලවත්ත ජනතා විමුක්ති පෙරමුණු කාර්යාලයේදී මන්ත්‍රීවරයා සිය අත්සන තැබීය. (පුවත්පත්)