2024 ජනාධිපතිවරණයට ඉදිරිපත් වන අපේක්ෂකයින් කිහිප දෙනෙකු අද නාමයෝජනා පත්‍රවලට අත්සන් කර තිබෙනවා.
ශ්‍රී ලංකා පොදුජන පෙරමුණේ (SLPP) ජනාධිපති අපේක්ෂක පාර්ලිමේන්තු මන්ත්‍රී නාමල් රාජපක්ෂ මහතා අද හිටපු ජනාධිපති මහින්ද රාජපක්ෂ මහතාගේ කොළඹ විජේරාමේ පිහිටි නිවසේදී සිය නාමයෝජනා පත්‍රයට අත්සන් තැබීය.
ශ්‍රී ලංකා නිදහස් පක්ෂ අපේක්ෂක හිටපු අධිකරණ අමාත්‍ය විජයදාස රාජපක්ෂ අද පෙරවරුවේ නාවල පිහිටි ඔහුගේ නිවසේදී ආගමික වතාවත් මධ්‍යයේ සිය නාමයෝජනා පත්‍රයට අත්සන් තැබුවා.
මව්බිම ජනතා පක්ෂයේ (MJP) නායක ව්‍යවසායක දිලිත් ජයවීර ද අද බොරැල්ල මව්බිම ජනතා පක්ෂ කාර්යාලයේදී සිය නාමයෝජනා පත්‍රයට අත්සන් තැබුවා.
මෙම සතිය මුලදී, ජාතික ජන බලවේගයේ (එන්පීපී) නායක අනුර කුමාර දිසානායක පැලවත්තේ පිහිටි ජනතා විමුක්ති පෙරමුණ (ජවිපෙ) කාර්යාලයේදී සිය නාමයෝජනා පත්‍රවලට අත්සන් තැබීය. (පුවත්පත්)