අභාවප්‍රාප්ත හිටපු අමාත්‍ය මංගල සමරවීර මහතාගේ ලේලිය වන චංචලා ගුණවර්ධන ඉදිරි ජනාධිපතිවරණයේදී විපක්ෂ නායක සජිත් ප්‍රේමදාස මහතාට සහය දැක්වීම සඳහා සමගි ජන බලවේගයට (SJB) එක්වී තිබේ.
SJB නායක සජිත් ප්‍රේමදාස මහතා විසින් ඇය එම පක්ෂයේ මාතර දිස්ත්‍රික් සංවිධායක ලෙස පත් කර ඇත. චංචලා මැසචුසෙට්ස් හි ක්ලාක් විශ්ව විද්‍යාලයේ උපාධිධාරිනියක් වන අතර එහිදී ඇය 2011 දී ඉංග්‍රීසි පිළිබඳ ශාස්ත්‍රවේදී උපාධියක් සහ 2012 දී වෘත්තීය සන්නිවේදනය පිළිබඳ ශාස්ත්‍රපති උපාධියක් ලබා ඇත.
මේ අතර 2024 ජනාධිපතිවරණයේදී විපක්ෂ නායක සජිත් ප්‍රේමදාස මහතාට සහය දැක්වීමට ශ්‍රී ලංකා පොදුජන පෙරමුණේ මාතර දිස්ත්‍රික් පාර්ලිමේන්තු මන්ත්‍රී කරුණාදාස කොඩිතුවක්කු මහතා තීරණය කර තිබේ.
ඒ අනුව ඔහු සජිත් ප්‍රේමදාස මහතාට සහය පළ කළේ SJB මාතර අකුරැස්සේදී සංවිධානය කළ 3 වැනි මැතිවරණ රැලියට එක්වෙමින්. (NewsWire)