111
ඉදිරි ජනාධිපතිවරණය සඳහා තැපැල් ඡන්දය ප්රකාශ කිරීම සඳහා අයදුම්පත් 736,589ක් ලැබී ඇති බව ජාතික මැතිවරණ කොමිෂන් සභාව නිවේදනය කරයි.
මැතිවරණ කොමිෂන් සභාවට අනුව තැපැල් ඡන්ද අයදුම්පත් අතරින් 24,268ක් ප්රතික්ෂේප වී ඇත.
කෙසේ වෙතත්, 2024 ජනාධිපතිවරණයේදී තැපැල් ඡන්දය ප්රකාශ කිරීම සඳහා පුද්ගලයින් 712,321 දෙනෙකු සුදුසුකම් ලබා ඇති බව මැතිවරණ කොමිෂන් සභාව වැඩිදුරටත් සඳහන් කළේය.
ඉදිරි ජනාධිපතිවරණ ඡන්ද විමසීම සඳහා තැපැල් ඡන්ද සලකුණු කිරීම සැප්තැම්බර් 04, 05 සහ 06 යන දිනවල සිදු කෙරේ.
මේ අතර තැපැල් ඡන්දය ප්රකාශ කිරීමට නොහැකි වූවන් සඳහා අමතර දින ලෙස සැප්තැම්බර් 11 සහ 12 දින වෙන් කර ඇත.
2024 ජනාධිපතිවරණය සැප්තැම්බර් 21 වැනිදා පැවැත්වීමට නියමිතයි. ජනාධිපතිවරණය සඳහා අපේක්ෂකයින් 39 දෙනෙකු ඉදිරිපත් වේ. (පුවත්පත්)
