එළැඹෙන 2024 ජනාධිපතිවරණය සඳහා තැපැල් ඡන්දය ප්‍රකාශ කිරීමේ දිනයන් ජාතික මැතිවරණ කොමිෂන් සභාව විසින් ප්‍රකාශයට පත් කර තිබේ.
නිවේදනයක් නිකුත් කරමින් මැතිවරණ කොමිෂන් සභාව සඳහන් කළේ තැපැල් ඡන්ද පත්‍රිකා නිකුත් කිරීම අගෝස්තු 26 වනදා සිදුකරන බවයි.
ඒ අනුව හමුදා සාමාජිකයින් සහ රාජ්‍ය සේවකයින් සඳහා තැපැල් ඡන්ද සලකුණු කිරීම සැප්තැම්බර් 5 සහ 6 යන දෙදින තුළ සිදුකිරීමට නියමිතයි.
මේ අතර දිස්ත්‍රික් ලේකම් කාර්යාල, මැතිවරණ කාර්යාල සහ පොලිසියේ සේවකයින් සඳහා තැපැල් ඡන්දය ප්‍රකාශ කිරීම සැප්තැම්බර් 4 වැනිදා සිදු කරන බව මැතිවරණ කොමිෂන් සභාව පවසයි.
තැපැල් ඡන්දය ප්‍රකාශ කිරීමට නොහැකි වූවන් සඳහා අමතර දින ලෙස සැප්තැම්බර් 11 සහ 12 වෙන් කර ඇත.
කෙසේ වෙතත්, 2024 ජනාධිපතිවරණයේදී තැපැල් ඡන්දය ප්‍රකාශ කිරීම සඳහා පුද්ගලයින් 712,321 දෙනෙකු සුදුසුකම් ලබා ඇති බව මැතිවරණ කොමිෂන් සභාව වැඩිදුරටත් සඳහන් කළේය. (පුවත්පත්)