68
මහනුවර බහුවිධ ප්‍රවාහන පර්යන්තයේ ප්‍රවේශ මාර්ග පුනරුත්ථාපනය කිරීමේ සහ වැඩිදියුණු කිරීමේ කොන්ත්‍රාත්තුව Maga Engineers (Pvt) Ltd වෙත ලබාදී ඇත.
බහුවිධ ප්‍රවාහන පර්යන්ත සංවර්ධන ව්‍යාපෘතිය යටතේ මහනුවර බහුවිධ ප්‍රවාහන පර්යන්තයට ප්‍රවේශ මාර්ග ප්‍රතිසංස්කරණය කිරීම සහ වැඩිදියුණු කිරීම සඳහා වන කොන්ත්‍රාත්තුව දේශීය තරගකාරී ලංසු පටිපාටියට අනුව ප්‍රදානය කිරීමට ලංසු කැඳවූ බවත් ඒ සඳහා ලංසු 10ක් ලැබී ඇති බවත් රජය අනාවරණය කළේය.
ඒ අනුව අමාත්‍ය මණ්ඩලය විසින් පත් කරන ලද ස්ථාවර ප්‍රසම්පාදන කමිටුවේ නිර්දේශ යටතේ අදාළ කොන්ත්‍රාත්තුව අඩුම ලංසුකරු වන Maga Engineers (Pvt) Ltd වෙත ලබාදීමට ප්‍රවාහන හා මහාමාර්ග අමාත්‍යවරයා ඉදිරිපත් කළ යෝජනාවට අමාත්‍ය මණ්ඩල අනුමැතිය හිමි විය. (පුවත්පත්)
