ආරම්භක පියවරක් ලෙස “කෘතිම බුද්ධිය ආශ්‍රිත ශිෂ්‍ය සංගම්” නියමු ව්‍යාපෘතියක් ලෙස පාසල් 100ක ක්‍රියාත්මක කිරීමට අමාත්‍ය මණ්ඩල අනුමැතිය ලැබී ඇත.
මෙම ව්‍යාපෘතිය 6 සිට 9 ශ්‍රේණිය දක්වා සිසුන්ගේ සහභාගීත්වයෙන් ක්‍රියාත්මක කෙරෙන අතර නියමු ව්‍යාපෘතියේ ප්‍රතිඵල මත ඉදිරි වර්ෂවලදී අනෙකුත් පාසල් වෙතද ව්‍යාප්ත කිරීමට අපේක්ෂා කෙරේ.
රජය පවසන පරිදි අනාගත ගෝලීය ප්‍රවණතාවලට මුහුණ දිය හැකි සහ ඵලදායී ලෙස ආර්ථික සංවර්ධනයට දායක විය හැකි පුරවැසියන් නිර්මාණය කිරීම සඳහා කෘත්‍රිම බුද්ධියට අදාළ අධ්‍යයන කටයුතුවල නිරත වීමට සිසුන්ට අවස්ථාව සැලසීම සුදුසු බව හඳුනාගෙන ඇත.
ඒ අනුව, අධ්‍යාපන පද්ධතියට “කෘතිම බුද්ධියට සම්බන්ධ ශිෂ්‍ය සංගම්” හඳුන්වාදීම සඳහා තාක්ෂණ අමාත්‍යවරයකු සහ අධ්‍යාපන අමාත්‍යවරයකු වශයෙන් ජනාධිපතිතුමා ඉදිරිපත් කළ ඒකාබද්ධ යෝජනාව අමාත්‍ය මණ්ඩලය විසින් අනුමත කරන ලදී. (පුවත්පත්)