රට වෙනුවෙන් දේශපාලන පක්‍ෂවලට එක්විය හැකි බව වත්මන් රජය ඔප්පු කර ඇති බවත්, එහි ප්‍රතිඵලයක් ලෙස නව ශ්‍රී ලංකාවක් ගොඩනැගීමේ ප්‍රයත්නය ක්‍රියාත්මක වන බවත් ජනාධිපති රනිල් වික්‍රමසිංහ මහතා අවධාරණය කළේය.
සමගි ජන බලවේගය (SJB) ඡන්ද සොරකම් කිරීමට යොමු වී ඇති බව ප්‍රකාශ කළ ඔහු, ජාතික ජන බලවේගය (NPP) පක්ෂයට එහි ඉතිහාසය සමඟ ඇති සම්බන්ධය නැති වී ඇති බවත්, ඔවුන්ගේ අතීතය පිළිනොගෙන ඉදිරියට යාමට ඔවුන්ට අපහසු වී ඇති බවත් සඳහන් කළේය.
ජනාධිපති වික්‍රමසිංහ මහතා මේ බව ප්‍රකාශ කළේ බත්තරමුල්ල මොනාක් ඉම්පීරියල් හෝටලයේ පැවැති ශ්‍රී ලංකා නිදහස් පක්ෂයේ 73 වැනි සංවත්සර උත්සවය අමතමිනි.
“සමගි ජන බලවේගය (SJB) සහ ජාතික ජන බලය (NPP) රටට ලබා දී ඇත්තේ කුමක්ද? SJB දෙමළ පක්ෂවල ඡන්ද හොරකම් කරන්න හදලා මාට්ටු වෙලා දැන් යාපනයට යන්න පවා දඟලනවා. දේශපාලන පක්ෂ මෙවැනි උගුල්වලින් වැළකිය යුතුයි. NPP ද තම අතීතය අමතක කර ඇති අතර එය පිළි නොගෙන ඉදිරියට යා නොහැක. 1971 වසර ඔවුන්ගේ මතකයෙන් මකා දමා ඇති බව පෙනෙන නිසා ඔවුන්ගේ ඓතිහාසික අමතක වීම පැහැදිලිය. එවැනි කණ්ඩායමක් සමඟ අපි සටන් කළ යුතුයි. ” ජනාධිපතිවරයා කීවේය.