ඉදිරි මැතිවරණ සහ දේශපාලන අභියෝග සඳහා සූදානම් වීම සඳහා එක්සත් ජාතික පක්ෂය (එජාප) සියලු විරුද්ධ පක්ෂ සමඟ පොදු සන්ධානයක් පිහිටුවීමට තීරණය කර තිබේ. අද (23) කොළඹ මල් පාරේ පිහිටි හිටපු ජනාධිපති රනිල් වික්‍රමසිංහ මහතාගේ දේශපාලන කාර්යාලයේ පැවති නායකත්ව මණ්ඩල රැස්වීමේදී මෙම තීරණය ගෙන ඇත.
“මේ සන්ධානයේ යෝජනාව ඉදිරිපත් කළේ හිටපු ජනාධිපති වික්‍රමසිංහ මහතාමයි. ඉන් අනතුරුව ඉදිරි මැතිවරණ සහ දේශපාලන තත්ත්වයන්ට එක්ව මුහුණදීම සඳහා යෝජිත සන්ධානයට එක්වන ලෙස සමගි ජන බලවේගය ඇතුළු විපක්ෂයේ සියලුම පක්ෂවලට ආරාධනා කරන ලෙස ඔහු පක්ෂ නිලධාරීන්ට උපදෙස් දී ඇති බව හිටපු ජනාධිපති කාර්යාලය නිවේදනයක් නිකුත් කරමින් කියා සිටියා. (පුවත්පත්)