සමගි ජන බලවේගයේ ජනාධිපති ධූර අපේක්ෂක සජිත් ප්‍රේමදාස මහතා පසුගිය ජනාධිපතිවරණයේ දී තම මැතිවරණ ව්‍යාපාරය වෙනුවෙන් කැප වූ ශ්‍රී ලංකා නිදහස් පාක්ෂිකයන්ට සිය කෘතඥතාව පළ කරයි.
ශ්‍රීලනිප දිස්ත්‍රික් සංවිධායකවරුන්, ආසන සංවිධායකවරුන් සහ දේශපාලන ක්‍රියාකාරීන්ගේ සහභාගීත්වයෙන් ඊයේ ශ්‍රීලනිප මෙහෙයුම් කාර්යාලයේ පැවති රැස්වීමකදී SJB ජනාධිපති අපේක්ෂකයා සිය කෘතඥතාව පළ කළේය.
මෙම හමුවේදී සජිත් ප්‍රේමදාස මහතා ශ්‍රීලනිප පාර්ශ්වය සමඟ දීර්ඝ වශයෙන් සාකච්ඡා කළ අතර දෙපාර්ශ්වයම විවිධ අදහස් හුවමාරු කර ගත්හ.
ශ්‍රීලනිප මහලේකම් දයාසිරි ජයසේකර සහ උප සභාපති තිලංග සුමතිපාල යන මහත්වරු ද මෙහිදී අදහස් පළ කළහ.
ශ්‍රීලනිප දිස්ත්‍රික් සහ ආසන සංවිධායකවරුන් විසින් ඉදිරිපත් කරන ලද යෝජනා ද මෙම රැස්වීමේදී සජිත් ප්‍රේමදාස මහතා වෙත ඉදිරිපත් කර ඇත.
එම යෝජනාවලට ධනාත්මකව ප්‍රතිචාර දක්වමින් සජිත් ප්‍රේමදාස මහතා ඉදිරි මහ මැතිවරණය ජයග්‍රහණය කිරීම සඳහා අත්වැල් බැඳගැනීමේ වැදගත්කම අවධාරණය කළේය. (පුවත්පත්)