ශ්‍රී ලංකාවේ මධ්‍යසාර හා මත්ද්‍රව්‍ය තොරතුරු මධ්‍යස්ථානය (ADIC) විසින් නව රජයට කරුණු 09කින් යුත් යෝජනාවක් ඉදිරිපත් කර ඇත්තේ රට තුළ පවතින මධ්‍යසාර පරිභෝජනය සම්බන්ධ ගැටලු විසඳීම සඳහාය.
මධ්‍යසාර නිෂ්පාදන සඳහා සුචිගත කිරීම ක්‍රියාත්මක කිරීමෙන් මධ්‍යසාර පරිභෝජනය අඩු කිරීමටත්, එමඟින් රජයේ ආදායම වැඩි කිරීමටත්, මධ්‍යසාර භාවිතය හා සම්බන්ධ සෞඛ්‍ය හා ආර්ථික වියදම් අඩු කිරීමටත් හැකි බව ADIC පවසයි.
ඔක්තෝබර් 03 දිනට යෙදී ඇති ලෝක මද්‍යසාරයෙන් තොර දිනය වෙනුවෙන් ප්‍රකාශයක් නිකුත් කරමින් ADIC පෙන්වා දෙන්නේ මෙය මධ්‍යසාර භාවිතය අවම කිරීමේ ප්‍රත්‍යක්ෂ පියවරක් ලෙස ද ක්‍රියා කරන බවයි.
“2022 වසරේ මධ්‍යසාර බදුවලින් රජයට ලැබුණු ආදායම රු. බිලියන 165 ක්, එක්සත් ජාතීන්ගේ සංවර්ධන අරමුදල විසින් කරන ලද අධ්‍යයනයකින් හෙළි වූයේ අපේ රටේ මත්පැන් භාවිතය හා සම්බන්ධ සෞඛ්‍ය හා ආර්ථික පිරිවැය රු. එම වසර තුළම බිලියන 237ක්” යනුවෙන් එහි සඳහන් වේ.
නව රජයක් රටේ ප්‍රගමනය සඳහා මුලපිරීම් හඳුන්වා දීමට සැලසුම් කර ඇති අවස්ථාවක, රටේ මත්පැන් ගැටලුව විසඳීම සඳහා පහත සඳහන් යෝජනා කඩිනමින් ක්‍රියාත්මක කිරීමේ හදිසි අවශ්‍යතාවය එයින් අවධාරනය කරන බව ADIC සඳහන් කළේය. (පුවත්පත්)