දිවයිනට බලපා ඇති අයහපත් කාලගුණික තත්ත්වය හේතුවෙන් පවතින අධික වර්ෂාපතනය හේතුවෙන් බස්නාහිර පළාතේ ප්‍රදේශ කිහිපයක් ගංවතුර තත්ත්වයට පත්වෙමින් පවතිනවා. විපතට පත් වූවන්ට සහය වීම සඳහා ආපදා කළමනාකරණ මධ්‍යස්ථානය (DMC) සමඟ සම්බන්ධීකරණයෙන් කටයුතු කරන නාවික හමුදාවේ ගංවතුර සහන කණ්ඩායම් ගම්පහ සහ කොළඹ දිස්ත්‍රික්ක වෙත යවා ඇත. මෙම සහන කණ්ඩායම් අද (2024 ඔක්තෝම්බර් 13) ගංවතුර සහන කටයුතු දිගටම කරගෙන යයි.
අධික වර්ෂාවත් සමඟ කළුගඟ, කැලණි ගඟ, අත්තනගලු ඔය පිටාර මට්ටමට පැමිණ තිබීම හේතුවෙන් කඩුවෙල, බියගම, ඉහළගම සහ ජාඇල යන ප්‍රදේශවල ගංවතුර තත්ත්වයක් ඇති වී තිබේ. මෙම පසුබිම තුළ විපතට පත් වූවන්ට සහන සැලසීම සඳහා අද (ඔක්තෝබර් 13) උදෑසන ආපදා සහන කණ්ඩායම් 08ක් යොදවා ඇත.
සහන කණ්ඩායම් ගංවතුරින් විපතට පත් පුද්ගලයින්ට ඩිංගි යාත්‍රා මගින් ආරක්ෂිත ප්‍රවාහනය සැපයීම, පිසූ ආහාර සහ වියළි සලාක බෙදා හැරීම, නඩත්තු කටයුතු සඳහා විදුලි සේවකයින් මාරු කිරීම සහ ඔවුන්ගේ දෛනික කටයුතු කරගෙන යාමට ආරක්ෂිත ස්ථාන කරා ජනතාව යොමු කිරීම ඇතුළු මෙහෙයුම් ක්‍රියාකාරීව සිදු කරයි.
DMC සමඟ සම්බන්ධීකරණයෙන් කටයුතු කරමින්, නාවික හමුදාව බටහිර නාවික විධානයේ සහන කණ්ඩායම් 22 ක් ද, දකුණු නාවික විධානයේ කණ්ඩායම් 9 ක් ද, වයඹ නාවික විධානයේ කණ්ඩායම් 17 ක්ද, කණ්ඩායම් 48 කින් සමන්විත වන අතර, අවශ්‍ය වූ විට වහාම යෙදවීමට සූදානමින් සිටී. (නාවික හමුදාව)