මාධ්‍ය නිවේදනය : ශ්‍රී ලංකා විදේශ අමාත්‍යාංශය
මැදපෙරදිග තත්ත්වය වර්ධනය කිරීම සහ කලාපයේ වෙසෙන ශ්‍රී ලාංකිකයන්ගේ ආරක්ෂාව තහවුරු කිරීම
මැදපෙරදිග වත්මන් ගැටුම් උත්සන්න වීම විශේෂයෙන් ලෙබනනයේ තීරණාත්මක තත්වයක් ඇති කර තිබේ.
කලාපයේ සේවයේ නියුතු ශ්‍රී ලාංකිකයින් සැලකිය යුතු ප්‍රමාණයක් සැලකිල්ලට ගෙන ඔවුන්ගේ ආරක්ෂාව සහ ආරක්ෂාව තහවුරු කිරීමට අවශ්‍ය ක්‍රියාමාර්ග දැනටමත් එම රටවල අදාළ ශ්‍රී ලංකා දූත මණ්ඩල හරහා ගනිමින් පවතී. ශ්‍රී ලාංකිකයන්ගේ ආරක්ෂාව සහතික කිරීම සඳහා අවශ්‍ය උපදෙස් ද ශ්‍රී ලංකා දූත මණ්ඩල මගින් නිරන්තරයෙන් ලබා දෙනු ඇත. මෙම සන්දර්භය තුළ මැදපෙරදිග කලාපයේ වෙසෙන ශ්‍රී ලාංකිකයන්ගෙන් මෙම උපදෙස් කෙරෙහි විශේෂ අවධානයක් යොමු කරන ලෙසත්, ඒ අනුව ක්‍රියා කරන ලෙසත් ඉල්ලා සිටී.
තවද, මැදපෙරදිග කලාපයේ සේවය කරන සහ ජීවත්වන අයගේ ඥාතීන්ට කිසියම් හදිසි අවස්ථාවකදී ඔවුන්ගේ NoK පිළිබඳ තොරතුරු සඳහා විදේශ කටයුතු අමාත්‍යාංශයේ කොන්සියුලර් කටයුතු අංශය හා සම්බන්ධ විය හැක. (දුරකථනය: 011 – 2338812/ 011 – 7711194)